君戶鍋貼大王 (已結業)

到實習嘅最尾低三日，之前食咗太多好嘢，荷包乾硬化要食返啲平嘢，但係灣仔呢一區出名貴，真係諗到頭都大埋周圍行緊嘅時候見到呢一間君戶鍋貼大王，外邊鬼死咁多打工仔喺度排隊，心諗一定冇死，就同我嘅朋友一齊入咗去作為菜飯嘅愛好者，我今日嗌咗一個豬扒菜飯，$40兩隻拳頭咁大塊嘅豬扒真係非常之抵食，佢塊豬扒係即刻炸，完全冇雪藏味，不過如果去可以剪埋上菜就會方便我食，至於個菜飯佢啲菜係炒過嚟，令到成個菜飯都好香，值得讚賞我朋友就嗌咗豬扒雲吞麵，淨係$38咋，佢額外再要多五隻餃子，真係好鬼抵食！雖然佢味道唔錯，價錢都好平，但世事總係冇完美嘅，環境個方面我覺得佢有少少污糟，如果佢係清潔個方面做多少少功夫咁就滿分啦！