醬缸韓國料理

營業中

休息中

不停回頭幫襯嘅醬油蟹 ，暫時應該係我搵到全港最抵食 ，性價比算高。每次都要避開繁忙時間幫襯，如果唔係就排好耐，當日食飽離開之後，見到條人龍沿住樓梯排落去，勁多人。一坐低就有幾款前菜，都係啲韓國傳統前菜。生醬海蟹呢個係每次必嗌，一份有兩隻嘅醬油蟹，超級多蟹膏，蟹肉鮮甜，完全無腥味，醬油味唔會太濃味搶過蟹嘅味道。配有一碗紫菜飯，撈埋一齊食係絕配，搭配一流同無敵。牛肋骨湯上嘅時候熱啦啦冒曬煙，有多舊牛肋骨、白蘿蔔、紅棗、同粉絲。牛肉濃味，個湯清清地唔錯。以上兩個人食已經好足夠，好飽好滿足，已經係都度諗緊幾時又再食，真係百食不厭。