Pizza Pan

營業中

休息中

去開觀塘知道鴻圖中心附近有間環境唔錯又幾別緻嘅food court，就走入去睇下有d咩好嘢食。入面有唔同嘅counter負責唔同菜式，我見Pizza Pan門口有個幾好嘅combo menu就order咗一個二人餐，二人餐只需$188可以自選一份意粉、一份小食、一個 pizza同埋兩杯飲品。 Pizza揀咗夏威夷人，材料有茄汁、芝士、火腿、菠蘿、三色椒同蘑菇， 個pizza係薄批, 非常香脆, 上面嘅材料 完全十足，根本差唔多每一啖都有火腿、菠蘿、 蘑菇同三色椒嘅味道，好有質感。意粉揀咗蕃茄大蝦意粉，茄醬超多而且上面好多芝士撈埋意粉食超好味，而大蝦嘅份量亦都好多而且每一隻都大粒兼爽口，正！小食揀咗caesar沙律，個沙律超新鮮同埋好fresh，每一啖都索索聲，d蔬菜同埋車厘茄超新鮮。 因為pizza係order咗即叫即整，所以鍾意食新鮮熱辣辣pizza嘅朋友下次可以嚟呢度試下。