十三姨酸菜魚 (Mikiki) (已結業)

今日去咗新蒲崗mikiki度行街 見到十三姨酸菜魚啲晚市套餐都幾抵食 所以就入咗去試下晚市招牌二人套餐 有一個魚 一個主食 同埋兩個小食 仲包兩杯嘢飲同飯或者米線 只係二百幾蚊招牌十三酸菜魚 我鍾意佢湯底夠酸 我哋叫咗小辣但都夠辣 魚片全部都啖啖肉起曬骨 除咗魚片之外裏面仲有蓮藕/萵筍/薯仔片 用呢個湯底配埋跟餐嘅米線食一流四川回鍋肉 炒得好香口同惹味 送飯一流十三姨秘製雞翼 生炸雞翼外皮香脆 內裏爆汁 而且雞翼都算大隻 所以脹卜卜啖啖肉麻辣手拍青瓜 青瓜就正正常常不過不失另外嘢飲叫咗凍柚子茶同凍柚子蘇打 貪佢可以不停加水Refill都仲有味另外我哋散叫咗兩個餸腩肉炒花菜 腩肉爽彈 花椰菜好惹味 喺屋企煮唔到嘅味道乾扁四季豆 四季豆走過油之後配埋欖菜肉碎一齊炒 又係惹味送飯之選埋單先四百幾蚊 真係超級抵食