蒲點美式酒吧 (已結業)

有一日食完Lunch 經過依間酒店，見到佢有張海報，寫住semi buffet lunch 都有 movenpick任食，我立即上網睇，有得選要主菜定唔要，只食沙律吧，湯同甜品，相差大約$40。我既主打係movenpick,所以只選含主菜既組合。 其實沙律都有好多選擇，例如兩大盤唔同款新鮮雜菜沙律菜，青瓜條，蕃茄仔，粟米粒，紅腰豆等不同配料，仲有撈好的沙律，薯仔沙律，南瓜沙律同通粉沙律等輪流供應，而且Refill得很快！要食肉既朋友，這裏有幾款cold cut 俾食肉獸一點點胃部既安慰。另外有軟包同周打湯！甜品就有好多選擇， 有朱古力蛋糕，卷蛋，慕絲蛋糕等西式蛋糕，都有日式水晶餅，雞蛋腐竹糖水等中日甜品。 我就主攻雪糕，有朱古力同雲尼拿味，不過就幾溶吓，唔係每個頂得順！蚊埋單每人都只係八十幾蚊(已包加一)，勁抵是嗎？！