影片
更多
2020-11-08
979 瀏覽
有時食晏晝都唔想虧待自己，就會想搵間坐得舒服，食物質素唔差既餐廳試下。今次就揀咗呢間——森屋。入到去嘅環境好有日本風，好似日本居酒屋一樣，傢俬係木造，牆身掛左木牌Menu。因為我地只係食lunch，所以無單點小食，我見佢仲有單點menu，應該係午市/晚市都嗌得！我地一行三人，嗌左兩份網燒牛肉同一份香草羊肉。一個餐包主菜、一碟沙律、一碗麵豉湯、一碗飯。正常女仔食一定夠飽，唔需要再免費refill飯，男仔就算應該會refill飯啦😂。沙律 - 係日本常見既沙律，有生菜、粟米、豆腐、小蕃茄。醬汁方面，應該係餐廳特別調配既，有別於其他餐廳一尾加胡麻醬落去。麵豉湯 - 正常，有海帶、豆腐。味道方面唔會好鹹，飲完之後唔會覺得自己飲緊味精湯😗！飯 - 珍珠米，可能因為本身佢一碗飯份量唔算多，所以可以免費refill一次。網燒牛肉 $ 82 - 必食，超好食💕💕，感覺佢係明炭燒，即嗌即燒。個牛肉拍得上平時比$400-500一位係牛角任食個啲。佢嘅好處可以分開三部份來講，第一，牛肉嘅質素好好，油脂分布平均，食落去又唔會過分油膩，啲肉無根仲入口即溶🤤！第二，醬汁好好食，餐廳調味做得好好，並非中式嗰啲一味得
沙律 - 係日本常見既沙律，有生菜、粟米、豆腐、小蕃茄。醬汁方面，應該係餐廳特別調配既，有別於其他餐廳一尾加胡麻醬落去。
麵豉湯 - 正常，有海帶、豆腐。味道方面唔會好鹹，飲完之後唔會覺得自己飲緊味精湯😗！
飯 - 珍珠米，可能因為本身佢一碗飯份量唔算多，所以可以免費refill一次。
網燒牛肉 $ 82 - 必食，超好食💕💕，感覺佢係明炭燒，即嗌即燒。個牛肉拍得上平時比$400-500一位係牛角任食個啲。佢嘅好處可以分開三部份來講，第一，牛肉嘅質素好好，油脂分布平均，食落去又唔會過分油膩，啲肉無根仲入口即溶🤤！第二，醬汁好好食，餐廳調味做得好好，並非中式嗰啲一味得個鹹味。相反，個醬汁食落好清，仲食到牛汁，仲要有陣炭火燒既味🤩！第三，牛肉份量唔少，所以唔會出現食晒啲餸但仲有飯剩嘅問題🥰！
網燒牛肉
$82
73 瀏覽
0 讚好
0 留言
同行朋友就食咗香草羊肉 $88，羊肉唔會太過蘇，同大家食開既港式羊腩煲好大分別。羊片較為碎濕濕，所以咬落去唔會有肉汁流出黎。唔知朋友係因為依個餐好食定因為太肚餓，所以問店員可唔可以refill第二次飯，就被拒絕了，都正常嘅😂😂😂。
見到有其他食評話要等上菜等得比較耐，的確係嗌網燒牛肉既等得比較耐，我前後都等左20分鐘先有主菜食，可能因為廚房即叫即燒😚。如果大家嗌網燒牛肉嘅話，就要有定心理準備啦🤤！
埋單$277.2（包加一）
張貼
