浪人日本料理 (已結業)

夜晚約左friend去食浪人，好彩有book到枱，去到已經有好多人。自助食物有超多野揀！樣樣都好吸引！冷小食！沙律都有幾款。壽司吧有好多壽司任拎，我地先食左鰻魚壽司同火炙蟹棒壽司，鰻魚幾有鮮味！剌身吧都係自己鐘意食咩就拎咩，帶子好厚肉！甜蝦超鮮甜！燒烤吧有師傅專門係到即場燒，海蝦，帆立貝，香草豬肉腸同和牛都無得彈。黃金帶子好野味，啲芝士同帶子簡直perfect match!蛋白蟹肉炒飯好足料，有好多蟹肉，啲飯炒到粒粒分明。唐揚雞軟骨炸到金黃，好有咬口。即制甜品有我最愛嘅焦糖熟蛋，好正！雖然食到好飽但都食左好多甜品任揀。