Coffever (已結業)

首先，無論環境，食物質素，定係店員態度都好令人滿意。環境好舒服，好chill，過來飲杯coffee，好有feel今次我地叫左手撕豬溫泉蛋扁意粉，安格斯牛三文治，同埋手沖咖啡個意粉極好食，豬夠入味，勁岩我口味！ 同埋係咁既地段，咁既質素，價錢絕對唔算貴！睇相片已經覺得好震憾，份量好大。 睇相片已經可以見到，係超多牛，滿潟； 牛肉算幾淋，好易咬； 包夠香脆，包入面又有醬汁； 好滿足，呢個絕對值得一試！最後我地仲叫左手沖咖啡。店員兼咖啡師首先會詳盡介紹左先。佢得知我本身冇飲開咖啡，佢會有個建議同埋好似有唔同既沖法，令我容易覺得容易入口； 而呢個手沖咖啡，飲落好特別，感覺唔似飲緊咖啡咁，有少許甘甜。