小蜜蜂 (已結業)

唔洗講太多，你哋自己由門口收銀已經睇得出。試下比錢反應遲少少，個收銀就開始黎料。呼呼喝喝，趕頭趕命咁，但又唔見有咩客係催緊佢哋（客人唔多），係急咩呢？ 同佢講嘢唔夠大聲就話我企起度唔出聲，明明係佢自己冇留心聽。 如果你係抖M嘅話可以照試下幫襯， 但如果你係同我一樣，平日生活壓力已經好大嘅人，我建議你哋唔好比錢買難受。我仲見到有啲叔叔去落單，可能只係想再確定一次有冇落錯到，但已經又比人鬧，話佢成日黎食，唔洗再問咁多。我再重申，間餐廳唔full,冇人等位，佢哋人手唔係少，真係唔知急咩。