肥老闆老壇酸菜魚 (已結業)

咁大個人都冇喺香港食過麻辣小龍蝦，上星期六朋友話帶我去試吓，就嚟咗呢間九龍城既肥老闆老壇酸菜魚試吓川菜！我哋叫咗好幾碟菜，包括麻辣小龍蝦，見到一上台就顏色鮮艷紛紛，煮得吸引，小龍蝦幾殼好易剝😎 一咬就食到，咬開佢既殼！而且好惹味！小小辣但接受得到！ 另外仲有四川辣子雞，呢個超級好食！辣子雞整得好香口！外脆內軟之餘，辣味蒲入雞肉喺邊，真係邊食邊流口水㗎！伴飯食都好滋味！另外仲叫咗蒜泥白肉，一上枱就見到佢超級足料，啲肉大大塊，每一啖都好香麻味同辣味，正呀！