和光鐵板燒日本料理 (已結業)

農曆新年過咗，所以相約三個好朋友飯聚，其中一位朋友選擇呢度，我覺得無所謂。 呢度分兩輪時間，第一輪由晚上六時十五分至八時十五分，第二輪由八時十五分至十時十五分（每段都係兩個鐘）。首先來一碟和牛（每兩個人就一塊），好好食，一個字‘正’！跟住再來老虎蝦（每人一隻），又係一個字‘正’！跟住就點咗好多‘牛’，統統都‘正’！一口牛 牛胸腹 牛舌 牛筋骨 魷魚鬚 （朋友教咗一個方法，就係將魷魚鬚放係爐邊慢慢烘乾，因為無咁易燶）同樣，菇類、粟米都係放係爐邊。 記得要點生菜，因為呢個放題無炒菜，所以朋友教將生菜夾住啲肉食，無咁油，好食！熟食有冷豆腐青瓜 冷烏冬至於最唔好食就係‘香草雞’，唔好食，無味！呢度仲有個唔好處就係趕人走，我哋揀咗第二段先食，一來各人要返工，放工去度都差唔多八點，二來諗住第二段時間可以坐夜啲，點知十點已經有人走嚟要求埋單，十點半就要我哋走人，想夜啲都唔得，不過唔緊要啦，啲嘢食好味就得喇，呢餐好滿足，如果要比分數，呢間食肆有九分。提大家一句，呢度一定要訂位！！！