阪神 (已搬遷) 新店位置

28.10.2021 星期四阪神今日見Deliveroo「阪神」有八折，聽同事講呢間喺元朗，食過好味，所以今日叫外賣喺公司食。落單前見有大阪燒、阪神丼、日式關西炒麵同多款小食。最喜歡食大阪燒，除了傳統章魚大阪燒，仲有好幾款，最吸引就係鰻魚、火炙芝士海鮮、蟹肉蟹膏大阪燒；樣樣都想試，最後揀咗至邪惡嘅蟹肉蟹膏大阪燒！蟹肉蟹膏大板燒一打開個外賣盒，就見到大阪燒鋪滿蟹膏，一咬下去啖啖蟹膏，如果喜歡蟹膏，一定會好似我咁非常享受！裡面蟹肉同雜菜已經混合咗一齊，雖然個大阪燒唔係好大件，但也會食得好滿足。炒雜菜正常炒雜菜，但比預期細盒，因為本身外賣原價係$34。我同事食章魚大阪燒無特別，吉列豬扒飯好味，燒汁牛肉飯嘅牛肉都美味多汁。我相信堂食會更美味，而且抵食得多，有機會去試吓。