十二韻

營業中

休息中

今日放假約咗一班朋友一齊打牌，然後口渴就用Keeta叫外賣睇吓附近有啲乜嘢台式飲品咁啱見到荃灣有一間12韻專賣珍寶果而出名當中粉果最出名！我哋一行四人叫咗四杯嘢飲平均$35一杯🥃😊我就叫咗杯冬瓜鐵觀音加粉果，一嚟到飲咗一啖，雖然已經叫咗微糖少冰都係覺得有啲甜，不過試吓佢嘅粉果真係超級煙靭好好食份量又唔似出邊其他舖頭咁得幾粒。冬瓜味都幾出，但係一飲完一陣就開始頭痛，唔知係咪鐵觀音太涼。而我都試咗另外一杯，朋友叫嘅百香果冰茶入邊有珍珠同椰果呢杯都係有啲甜建議大家如果叫嘅話記住走糖！不過我覺得呢間嘅粉果係香港數一數二嘅好飲！