影片
更多
2024-02-10
751 瀏覽
🐱貓貓cafe黎講呢間我都幾中意，環境非常乾淨冇味道，空間闊落令我玩得好自由，裝修比人感覺更舒服休閑，場內有至少20隻貓貓行黎行去，佢樓上係比貓貓休息地方，啲貓貓自由上上落落同奴才互動🐈，好feel free，非常可愛！仲可以向職員購買乾糧/濕糧去餵貓貓，嘗試下比十幾隻主子寵幸嘅滋味，仲要啲野食都幾抵，叫一個set坐全日任你玩飽先走，真心推介🌟主食：溫泉蛋芝士肉醬意大利麵 ($81) 🍝肉醬調味適中，非常多肉醬伴住啲意粉，肉醬加埋芝士味好夠味，最邪惡係加左溫泉蛋，撈埋一齊食會食到蛋黃同蛋白嗰種嫩滑的感覺， 成個意粉即刻味道昇華左，值得一試！華多夫烤雞野菜沙律 ($85)🍗🥗一上枱就超級香唔係講笑！烤雞味勁香好惹味，分量都幾多，烤雞雞肉算係嫩滑，間中雞肉有脂肪食落更滑更邪惡，一啲都唔乾，有唔同的沙律菜，個薯仔粒配埋沙律醬好開貴，真係惹味之中帶點健康平衡下🤣慢煮豬柳伴蒜蓉燒汁 ($111)🐷推介🌟因為用左慢煮方式烹調，所以豬柳肉質非常鮮嫩，中間仲帶點淺粉紅色，煮得岩岩好，而見塊塊都勁大塊，有啲仲係幾厚添，配埋佢個蒜蓉醬食味道又再豐富啲，仲有好滑身的薯蓉添~小食：日式忌廉蟹肉薯餅 (4件)
17 瀏覽
0 讚好
0 留言
主食：
溫泉蛋芝士肉醬意大利麵 ($81) 🍝
肉醬調味適中，非常多肉醬伴住啲意粉，肉醬加埋芝士味好夠味，最邪惡係加左溫泉蛋，撈埋一齊食會食到蛋黃同蛋白嗰種嫩滑的感覺， 成個意粉即刻味道昇華左，值得一試！
華多夫烤雞野菜沙律 ($85)🍗🥗
一上枱就超級香唔係講笑！烤雞味勁香好惹味，分量都幾多，烤雞雞肉算係嫩滑，間中雞肉有脂肪食落更滑更邪惡，一啲都唔乾，有唔同的沙律菜，個薯仔粒配埋沙律醬好開貴，真係惹味之中帶點健康平衡下🤣
慢煮豬柳伴蒜蓉燒汁 ($111)🐷
推介🌟因為用左慢煮方式烹調，所以豬柳肉質非常鮮嫩，中間仲帶點淺粉紅色，煮得岩岩好，而見塊塊都勁大塊，有啲仲係幾厚添，配埋佢個蒜蓉醬食味道又再豐富啲，仲有好滑身的薯蓉添~
小食：
日式忌廉蟹肉薯餅 (4件) (+$18)🦀
薯餅個皮炸得好香脆，咬落好重忌廉味，而且做到外脆內較嘅感覺
台式炸芋丸(6粒) (+$12) 🍠
熱辣辣咬落非常煙韌！中意食炸芋丸真係要試，6粒都大大粒，入面係紫心，而家非常夠蕃薯味
日式章魚小丸子(3個) ($18)
驚喜佢小丸子做得幾好，一咬食到大大粒章魚系入面，係大大粒！而小丸子味道就同出面食嘅係一樣好食
甜品：
海鹽芝士奶蓋鮮果牛角包窩夫配雪糕 ($68)🧇🍨
牛角包窩夫配埋海鹽芝士奶蓋原來都可以好夾，夾埋一齊食好特出到芝士奶蓋嘅味道，另外仲有埋鮮甜水果同曲奇雪糕中和返，有埋迷你綿花糖令賣相更色彩繽紛
張貼
