餃里 (悅湖商場) (裝修中)

<<Thursday Couple 為食記😋👣>>今日去左屯門影相，順便就同男朋友重遊舊地，😂😂，應該係話佢陪我重遊兒時舊地，去左一個小社區入面，呢到係以前我同妹妹細佬過嚟探姨媽，會係到住幾日嘅地方！記得呢到好多好嘢食，尤其係小店嘅小食！好正！念味道！好多間可以揀，今日黎到都見到好多新舊式嘅小店，有一間特別想介紹下！就係發現有一間小店，係賣好好味嘅餃子，見有幾多人買，所以我哋都決定買黎試下！仲有佢個名好搞鬼！叫餃里😂😂我講個陣，男朋友仲問: 「搞我？」仲見到佢嘅員工係店內即刻包啲手士餃子，又飽滿，又足料，大大粒！好正咁！🥰🥳加上佢嘅餃子種類都好多，口味特別！有幾個都幾有特色，佢冇一般嘅白菜豬肉餃，反而一個叫椰菜豬肉餃！另外仲有泡菜餃子，粟米芝士，同埋好多唔同特色等等。仲有分湯餃同煎餃兩款！我哋見佢嗰個九隻三拼自由選，幾吸引，可以試曬佢幾款餃子，所以就叫咗呢個！咁就各叫左一個煎餃同埋一個餃試！煎餃就揀左佢個咖喱餃，不過好似好好賣！我地都得翻一份，但呢個真係十級推薦，味道好似咖喱角，又夠大粒，煎得唔會太乾身，又有汁，正，好想再食，可惜得三隻！同男友分贓唔均😂