川味閣 (已結業)

馬鞍山好少有雲南米線食，今日同男朋友去咗新港城商場三期嘅一間川味閣食川味米線。去到見到隔離嘅餐廳都排晒長龍，可能因為係中午時段，但係呢一間米線店呢就好多空位幾乎間間川味米線嘅餐牌都係差唔多，呢一間同新川美食個餐牌都好相似。我叫咗酸辣炸醬米線，走酸+走酸菜，小辣加雞絲。嚟到見到個湯底好清，以為唔係好辣啦，點知係辣到我食唔到，要係咁飲豆漿佢嘅辣醬好辣，但係個湯底好清，好似啲面係冇乜味淨係靠個辣味，男朋友叫咗麻辣米線，小辣加肥牛同魚腐，佢食到辣但係覺得一般。最後佢食晒佢嗰碗加我嗰碗一半兩碗米線+豆漿+可樂埋單$94～都叫平嘅