海峰快餐

營業中

休息中

本人成日係到幫襯開買三寶。宜家賣10蚊5件，我今次買30蚊，有15件。每次幫襯開都係一位後生仔幫我執三寶， 佢每次執完之後都會畀個盒我望一望，對一對數。點知今次買果陣，轉左另一個人。咁諗住都無野啦，其實佢執果陣都覺得怪怪地，佢勁快執完，我都奇怪佢點解會咁快執完？同埋佢執完之後冇打開個盒俾我望一望然後對數。而係用一個好快嘅速度將個盒遞咗畀另一位同事叫佢代入袋然後收錢。我見到佢其實應該係未執青椒俾我，但因為我趕時間，加埋幫襯左咁耐應該唔會呃我既心態，所以無時間再打開個盒再同佢數一數。咁我臨走前再望一望佢，明顯feel到佢眼神好“私縮”。點知一番到屋企打開個盒！真係小左三件青椒！！可能你會話佢執漏咗啫，但宜啲野真係心照。所以想喺度呼籲大家， 買完煎釀三寶之後一定要數清楚數目，以免大家中招。