願榮光咖啡館 (已結業)

好幾次經過都唔知依到係一間cafe，淨係見到外面有幅好靚嘅畫，之後見有人喺網上面出post先知道依間嘢就走咗入去試。首先個入口好隱蔽，要行落條樓梯先會見到，入到入面裝修都好有格調，而且仲有好多香港人先會睇得明嘅嘢，其實真係幾有感觸。之後叫咗個招牌御結，味道冇咩大驚喜，主要都係靚為主畀人影下相咁。不過杯手沖就真係幾唔錯，barista 好有耐性咁問你想飲咩風味嘅豆再一步一步同你講解而家做緊咩，如果有興趣學嘅好似佢哋都會定時開班教人手沖。杯啡都幾好飲，而且人又nice，如果對啡有興趣嘅建議可以去試下。