祥仔 (K11購物藝術館)

營業中

休息中

入去之前已經預咗呢間餐廳算係貴價版嘅茶餐廳，開喺k11應該唔會過分得去邊掛..咁我就叫咗個雞翼、多士、豬骨湯通粉，仲加咗5蚊將通粉轉公仔麵。點知成個餐都勁難食。碟公仔麵賣相唔好其一。個雞翼係有花椒味嘅，多士就淡而無味，仲好乾。我朋友就叫咗魚柳咖哩飯。咖哩飯真係超級離譜！！啲飯明顯食落去係未煲熟嘅，咖哩汁又係淡而無味，仲要啲磨菇都未熟！咬落去係有草青味！最過份係條魚柳，腥嘅。成餐飯食咗230蚊，真係一啲都唔抵。好失望🥲以後唔會幫襯。