陸號

營業中

休息中

從來未食過咁難食嘅鐵板餐， 豬扒牛扒，雞扒，全部 用梳打粉 搞到冇曬味道 ， 鐵板又唔熱 ， 意粉凍嘅又無味， 黑椒汁 唔似黑椒汁 ， 我真係太天真 以為陸號推介 就一定好食 點知原來係中伏，最可惡就係奶茶 有昆蟲， 同職員講 佢就話係茶葉 ！ 明明係有腳有翼 ！例湯似滾水， 芝士 蕃茄 焗雞扒飯 一樣難食 雞都係冇味 ， 見唔到有蕃茄， 啲飯又濕 又有硬物 ，好可惜冇睇食評 ， 睇咗就一定唔會去食喇， 真係超級中伏！ 嬲到我都冇影相 點解普通一間茶餐廳 都會難食到咁得人驚， 影響曬我全晚嘅心情