牛精皇

營業中

休息中

私心推薦這間九龍城穩世高質新鮮火鍋店食牛真係一流！我地要左2人餐黎食～個餐包左78蚊既湯底，望完有咁多款唔同既湯底，我地決定加錢轉左個滋潤雪耳海底椰豬肺湯底～ 打邊爐之如都可以清下熱氣！個二人餐真係超多野食～ 牛肉就包左頂級手切牛肉，極品安格斯牛肉粒同埋牛白肉！頂級手切牛肉真係好滑，入口即溶既感覺！安格斯牛肉粒放係個煲滾10分鐘食！牛味好出呀！牛白肉好香牛油香味🥰🥰滾一滾就食得！太熟就唔好味！丸類就有手打蝦丸同手打墨魚丸！2款都好彈牙好味呀海鮮類有青口同聖子～ 青口要滾耐小小，聖子就滾一滾就食得啦～雲吞餃子類就有自製鮮蝦雲吞，鳳城水餃，自製韭菜餃，自製魚皮餃！全部都好新鮮好好味呀！菜類有雜菜藍～ 本人喜歡娃娃菜！我哋仲額外叫咗口岸生蠔！新鮮又美味😋個人私心推薦食法係滋潤雪耳海底椰豬肺湯底到左時滾完就飲左湯同食左豬肺先，之後開始可以食牛肉同埋娃娃菜！再黎就係落埋手打稻庭烏冬落去個煲滾熱左同埋個湯邊飲邊食！完美既食法🤩