Commix Bar

營業中

休息中

今日同朋友放工唸住坐低飲杯野傾下計，經過呢間bar見到裝修新正，座位都舒服，一試之下，發覺cocktail 同小食都超級高質！Signature cocktail 超吸睛🤩杯杯都好吸引。Peach paradise $115第一次飲peach hoegaarden, 加埋vodka同幾款果乾，整體感覺幾清新，淡淡的peach味，酒味吾會太濃，幾清甜😋好大杯！Mexican mojito $115好大枝香茅🤣初頭仲以為飲管。薄荷葉清新夠fresh! Tequila酒味幾濃，小酒宜情😁食物menu有兩版，超級多元化美食🤣有日式，西式，中式，川式都有😆麻辣牛肉粒$85估唔到酒吧餐廳有中式料理，仲要超乎想像咁好食😱牛肉粒好淋，有小小筋，小小肥，麻辣汁好香，牛肉入晒味，真係不得了咁好食👍🏻👍🏻炸魚薯條$105 炸魚又係另一佳作，魚柳size正常，但炸得外脆肉軟，魚肉幾厚身，炸粉超薄。粗薯條炸得好脆，加左小小辣粉同海苔粉，超級惹味。蟹肉燴意粉$105一上枱超香蟹膏味，同埋好大碟。蟹肉份量都幾多，仲有蒜片同蟹子，好滋味😋呢度原來夜晚10:15pm後有live band ，下次一定要再黎睇下。