影片
更多
2022-07-08
200 瀏覽
平時真係比較少去土瓜灣呢邊，唔太知有咩食…不過近排咁啱同朋友去開嗰頭買野，就順便喺嗰邊食埋野～喺落雨濕濕之際，就比我搵到呢間手工pizza小店～🍕夏威夷pizza (6吋） $68見到有心型pizza咁特別，我地梗係第一時間就叫左佢啦～個pizza係厚批黎，睇圖都可以睇得出有幾厚，厚過某連鎖pizza店太多了！雖然咁厚身，但一啲都唔會太過煙韌又或者太硬，佢個質地係超級鬆軟🤩，食得出真係人手自己搓出黎～大概係我食過最鬆軟嘅pizza~😆雖然厚身，但佢啲料都多～用左番茄醬做base,上面有爆多芝士～所以又係邪惡到拉到絲😈然後有火腿菠蘿，同埋仲食到有香草味，所以細pizza黎講都幾香幾足料～🥙香烤蒜蓉包沙律 $59份量極多！超級大盤～沙律菜都非常多同埋好新鮮～所以都好有口感同爽口，完全唔會霉/有苦澀味～ 而佢呢個沙律就用左芝麻醬～雖然用黑醋係健康啲但個人覺得芝麻醬都係最好最有味道🥰之後佢個蒜蓉包都做得唔錯～其實就比較似蒜蓉toast,但邊邊同表面都烤得夠香脆～而入面就夠軟熟～而牛油同蒜蓉味都夠重🍗小食拼盤 $80小食拼盤嚟講，呢個價錢真係好抵食～有4件春卷、咖喱角、洋蔥圈同埋雞翼～仲要件件都
🍕夏威夷pizza (6吋） $68
夏威夷細批
8 瀏覽
0 讚好
0 留言
見到有心型pizza咁特別，我地梗係第一時間就叫左佢啦～
個pizza係厚批黎，睇圖都可以睇得出有幾厚，厚過某連鎖pizza店太多了！雖然咁厚身，但一啲都唔會太過煙韌又或者太硬，佢個質地係超級鬆軟🤩，食得出真係人手自己搓出黎～大概係我食過最鬆軟嘅pizza~😆
雖然厚身，但佢啲料都多～用左番茄醬做base,上面有爆多芝士～所以又係邪惡到拉到絲😈然後有火腿菠蘿，同埋仲食到有香草味，所以細pizza黎講都幾香幾足料～
🥙香烤蒜蓉包沙律 $59
香烤蒜蓉包沙律
13 瀏覽
0 讚好
0 留言
份量極多！超級大盤～沙律菜都非常多同埋好新鮮～所以都好有口感同爽口，完全唔會霉/有苦澀味～ 而佢呢個沙律就用左芝麻醬～雖然用黑醋係健康啲但個人覺得芝麻醬都係最好最有味道🥰
之後佢個蒜蓉包都做得唔錯～其實就比較似蒜蓉toast,但邊邊同表面都烤得夠香脆～而入面就夠軟熟～而牛油同蒜蓉味都夠重
🍗小食拼盤 $80
小食拼盤
13 瀏覽
0 讚好
0 留言
小食拼盤嚟講，呢個價錢真係好抵食～有4件春卷、咖喱角、洋蔥圈同埋雞翼～仲要件件都大大舊😆 雞翼係香草雞翼，都夠香香草味～而其他炸物都炸得夠香脆同乾身，又唔會油冧冧咁～
Overall佢樣樣野食都唔貴同埋都夠大份夠多，本身我同朋友諗住要食埋糖水先夠飽，但點知唔太需要🤣因為食哂所有野食就已經好飽～
張貼
