影片
更多
2015-03-07
1605 瀏覽
超級壽司@九龍灣九龍灣foodki覺得係一個美食龍蛇混集既地方，平又有貴又有。有朋友話呢到既壽司好接近日本既水準，就等foodki試下，睇下佢有幾超級。地鐵站往淘大方向出，大約行５分鐘，就會見到大大個招牌寫住＂超級壽司＂。Foodki 入到去就覺得入面真係好有日本既味道，好似去左日本食野咁！入面個姨姨真係好nice，一入去態度好好，面帶笑容，好友善比menu 我地，令foodki 對超級壽司好感大大提高。有好多款壽司，有好幾款都係香港難D搵到。我地叫左兩個壽司拚盤－"鹿兒島和牛盛"($198) 同 "藍鰭吞拿魚腩（日本一）"($248)，外加加拿大海膽(A)$68，再加雞皮，牛脷串燒，合共約$35等左大約15分鐘，兩個set 同時間黎到，嘩，真係睇到流曬口水。以下係重點推介帶子壽司(5.5/10)賣相晶瑩剔透，肉質細膩。但味道其實麻麻，帶子並非最好既帶子，可能跟餐掛。壽司捏得唔錯，唔會鬆散，略嫌壽司醋落得多左少少，掩蓋左帶子本身既鮮味。加拿大海膽(4/10)加拿大海膽有分A 同 B，A貴廿蚊雞。呢舊海膽令我幾失望，海膽係就係入口即融，但係海膽有啲苦，講真，以一間好既壽司店，絕對唔可有啲
九龍灣foodki覺得係一個美食龍蛇混集既地方，平又有貴又有。有朋友話呢到既壽司好接近日本既水準，就等foodki試下，睇下佢有幾超級。
地鐵站往淘大方向出，大約行５分鐘，就會見到大大個招牌寫住＂超級壽司＂。
Foodki 入到去就覺得入面真係好有日本既味道，好似去左日本食野咁！入面個姨姨真係好nice，一入去態度好好，面帶笑容，好友善比menu 我地，令foodki 對超級壽司好感大大提高。
有好多款壽司，有好幾款都係香港難D搵到。
我地叫左兩個壽司拚盤－"鹿兒島和牛盛"($198) 同 "藍鰭吞拿魚腩（日本一）"($248)，外加加拿大海膽(A)$68，再加雞皮，牛脷串燒，合共約$35
鹿兒島和牛盛 及 藍鰭吞拿魚腩（日本一）
158 瀏覽
0 讚好
0 留言
帶子壽司
129 瀏覽
0 讚好
0 留言
賣相晶瑩剔透，肉質細膩。但味道其實麻麻，帶子並非最好既帶子，可能跟餐掛。壽司捏得唔錯，唔會鬆散，略嫌壽司醋落得多左少少，掩蓋左帶子本身既鮮味。
加拿大海膽
60 瀏覽
0 讚好
0 留言
加拿大海膽有分A 同 B，A貴廿蚊雞。呢舊海膽令我幾失望，海膽係就係入口即融，但係海膽有啲苦，講真，以一間好既壽司店，絕對唔可有啲苦既海膽，連出面連鎖迴轉壽司店既海膽都唔會係呢個水準，真係失望。
三文魚壽司
48 瀏覽
0 讚好
0 留言
三文魚壽司，foodki覺得簡直係香港人既壽司，去到日本，絕少高級壽司店會賣三文魚壽司，但香港既壽司店，不論平貴，都會有。foodki一直麻麻地鍾意食三文魚，但今次既三文魚真係非常唔錯，三文魚好新鮮，肉質嫩滑油脂平均，有口感，讚！！
鹿兒島和牛壽司 及 藍鰭吞拿魚腩壽司
66 瀏覽
0 讚好
0 留言
兩個set 既重頭戲，因為藍鰭吞拿魚係非常稀有既魚類，賣少見少，所以價錢都好貴，超級壽司以非常實惠既價錢就食到。首先，鹿兒島和牛，肉質煙韌半生熟，食落口，一大漸牛肉味爆發出黎，但老實講，我唔覺得呢個和牛質素有驚喜，不過不失。而藍鰭吞拿魚腩，肉質細膩肥美甘香，入口油香爆發，食落去真係好滿足。係香港黎講，係價廉物美。
牛脷串 及 雞皮串
33 瀏覽
0 讚好
0 留言
再等左大約１０分鐘，串燒終於到，foodki覺得真係等得太耐。牛脷好有驚喜，充滿牛香，肉質煙韌，但又唔會太難咬，好滿意。雞皮燒得太脆，油份都無曬，失望。
最後，埋單既時候，叔叔態度非常有善，親切問候，服務態度真係無得頂。但食物既質素其實同日本比真係仲有一段距離，不過都＂算係咁＂啦。
張貼
