POP vegan (已結業)

適逢有食素嘅朋友生日，特登帶佢一齊黎食呢間位於大館附近既素食西餐廳，地方唔算難搵，但都要行一陣啦。我地先點左個mushroom truffle soup，超級香濃，大家都一致推薦❤️之後點左個素版buffalo wings，又辣又脆，加埋個疑似sour cream，同真既味道完全無分別😍至於pizza都好香口好多餡，上面既barbecue sauce甜甜地，男仔女仔都一樣食得咁開心！之後再點埋cauliflower steak同mushrooms pasta ，又係好甜好好食既cauliflower,而pasta一樣咁濃味，大家一人一著就食曬😂由於食得太開心，大家俾酒精影響下（飲品都超好飲🥹），一次叫左4份甜品。但其實大家已經飽到上心口😂，所以我個人黎講就每樣淺嚐左少少就算，整體都好好食，最有記憶點可能係個啤梨，好fresh咁幫場晚飯畫上完美句號❤️而其他都真係太滯了🙈就算叫一份都夠曬我地（5個人）share，但整體性價比超高。員工十分友善，食物飲品質素都好好，埋單每人先三百幾，中環食飯呢個價真係好友善❤️❤️❤️