小松鼠 (怡豐花園) (已結業)

大時大節因為工作關係都好夜先約朋友陪食飯 雖然唔係食大餐 但係都要食餐好啲嘅 慰勞下自己夜晚嚟到位於元朗劇院附近嘅呢間西餐廳小松鼠 都幾爆滿 要等大約半個鐘先可以入座 檯凳雖然迫刧 但係都算坐得舒服叫咗個手打安格斯牛肉漢堡 完全係誠意之作 首先講麵包有海量既黑白芝麻 而且烘得脆卜卜非常溫暖個牛肉厚身 夠Juicy 而且非常重牛肉味 入面仲混咗洋蔥粒 有啲爽脆嘅口感生菜非常新鮮爽脆 而且芝士味濃郁 成個配搭好夾 絕對對得住個價錢跟餐仲已經包埋薯條同埋沙律 薯條爽脆夠乾身 冇得頂沙律配上日式芝麻醬夠清新 薄荷朱古力係用薄荷醬加朱古力粉做成 薄荷味較淡 偏甜