影片
更多
2020-04-21
626 瀏覽
星期六同呀媽去咗天后嗰邊行下，見晏晝三點幾，就搵個下午茶食先。喺正地鐵站隔離有間麵館，貼咗個下午茶餐牌出嚟，勁抵食，三十幾蚊就有交易，而且食物都幾大路，係食台灣麵🍜。一入到去嘅時候等左一陣，因為得一個男店員負責哂樓面所有嘢，不過無乜所謂啦，加上其實佢都好快手、好好人、又好禮貌。由於疫情關係，餐廳好貼心喺門口放咗張枱擺搓手液同埋口罩紙袋👍。餐廳環境比想像中大，因為佢個舖位係比較長身、樓底亦好高下，仲有大大幅牆畫添🎨。現時餐廳用咗唔少二拉架分隔座位，衞生方面做到足。我同呀媽一人叫咗一碗麵再加一份小食Share，我哋完全無諗過會差啲食唔哂囉🙈！我要咗台灣沙茶湯肥牛及唐生菜台灣手工麵($36+$1沙茶湯+$2手工麵)，呢個係其中一個下午茶餐嚟。我本身以為下午茶份量會細啲，點知佢唔止個碗大，仲要連啲餸同麵都係超多，勁抵食，一上枱我已經驚會食淨...，好彩都能夠KO😝。肥牛🐮配沙茶湯勁夾，沙茶湯比起沙嗲湯更為濃郁；肥牛超多，而且每片都大大片，牛味亦都出，唔係雪到無嚟味道嗰啲。至於台灣手工麵，口感都幾似中式拉麵，幾彈牙，就算食到尾麵條都無變淋或發脹。不過手工麵食落比較飽肚，加上份量好似有成兩個麵餅咁
星期六同呀媽去咗天后嗰邊行下，見晏晝三點幾，就搵個下午茶食先。喺正地鐵站隔離有間麵館，貼咗個下午茶餐牌出嚟，勁抵食，三十幾蚊就有交易，而且食物都幾大路，係食台灣麵🍜。
一入到去嘅時候等左一陣，因為得一個男店員負責哂樓面所有嘢，不過無乜所謂啦，加上其實佢都好快手、好好人、又好禮貌。由於疫情關係，餐廳好貼心喺門口放咗張枱擺搓手液同埋口罩紙袋👍。
餐廳環境比想像中大，因為佢個舖位係比較長身、樓底亦好高下，仲有大大幅牆畫添🎨。現時餐廳用咗唔少二拉架分隔座位，衞生方面做到足。
4 瀏覽
0 讚好
0 留言
我同呀媽一人叫咗一碗麵再加一份小食Share，我哋完全無諗過會差啲食唔哂囉🙈！
我要咗台灣沙茶湯肥牛及唐生菜台灣手工麵($36+$1沙茶湯+$2手工麵)，呢個係其中一個下午茶餐嚟。我本身以為下午茶份量會細啲，點知佢唔止個碗大，仲要連啲餸同麵都係超多，勁抵食，一上枱我已經驚會食淨...，好彩都能夠KO😝。
肥牛🐮配沙茶湯勁夾，沙茶湯比起沙嗲湯更為濃郁；肥牛超多，而且每片都大大片，牛味亦都出，唔係雪到無嚟味道嗰啲。至於台灣手工麵，口感都幾似中式拉麵，幾彈牙，就算食到尾麵條都無變淋或發脹。不過手工麵食落比較飽肚，加上份量好似有成兩個麵餅咁多，啱哂大胃王食🤣。
我媽就要咗台灣湯麵自由配，即係車仔麵啲Friend，哈哈。唔同湯底唔同價錢，湯底價格已包$6配料兩款，其餘就補差價。配料只係分$6同$8兩類，款式都幾多，而且算係抵食啊😊。
椰子雞湯米線
$49
18 瀏覽
0 讚好
0 留言
椰子清雞湯米線($49)，餸要咗香辣三杯雞肉同鹵水豬大腸(+$2)。其實我本身都係想要椰子雞湯㗎，但諗住試多款湯底先無叫。果然兩個湯底各有千秋，呢到嘅椰子雞湯，勁濃椰奶香味🥥，好正。配料嘅香辣三杯雞都幾辣下，唔知係咪咁樣令到個湯都辣辣地🌶，更加惹味(有少少重口味)。題外話，雞肉好嫩滑；豬大腸就好大件。米線掛椰子湯應該比起手工麵更佳！
鹵水雞翼
$36
3 瀏覽
0 讚好
0 留言
我哋追加咗一份小食，🐔鹵水雞翼(5隻)($36)，雞翼勁入味喎，唔係得個皮有色。由於醃得夠耐，雞肉離骨，易食。不過碗麵真係好大碗，叫3隻都夠食了。
5 瀏覽
0 讚好
0 留言
除咗碗麵大之外，估唔到連飲品都係巨無霸Size，個杯直頭有大啤酒杯咁大🍺！下午茶餐跟無糖茉莉綠茶，味道唔錯、幾香口，其他飲品就補錢。我媽嗰個餐本身以為要加$10先有飲品，但原來下午茶時段會送飲品的，抵到爆。佢要咗凍蜂蜜綠茶就加$2，清甜得嚟唔會漏。不過我估咁大杯係因為餐廳免費升級咗「重量級大杯裝」畀所有客人吧，否則我想像唔到再大會係幾大杯。
總括嚟講，呢餐下午茶餐簡直係開心大發現，食物味道、份量同價錢都係無得彈。我三點幾食完碗麵之後，夜晚都食唔落晚飯😋。下次經過我都一定會再食啊！
張貼
