NINETYs (形點 I)

營業中

休息中

星期二晚餐經過元朗yoho mall， 見到餐廳門前寫住星期一至四晚餐半價，好抵，所以入去試下，好多人預約左，餐廳坐位唔多，建議提早預約。主菜款式大部份都好吸引，好想試下。我2個人就決定揀2味主菜，我order左「燴澳洲和牛面頰」及「波士頓龍蝦意大利飯」。「波士頓龍蝦意大利飯」入面的龍蝦是用芝士焗過的，調味得非常好，仲有好多橙色嘅蝦膏，好香嘅蝦膏味，好新鮮，肉質爽口彈牙，火路剛剛好，唔會太老太乾，超美味！而燴飯的米飯都好特別，煙煙韌韌的，質感好好。「燴澳洲和牛面頰」入面的和牛好軟滑，充滿肉汁，好重牛的香味，調味淡淡的，不會蓋過牛肉本身的鮮味，感覺好新鮮，似係慢煮嘅質感，超正！下面配上薯蓉，味道好夾。主菜的份量都唔多，女仕應該剛剛好，男仕就可能要加多個小食。餐廳是採用open kitchen, 見到晒廚房好整齊，好衞生。總結呢間餐廳嘅食物質數好高，用料上乘，值得再次光顧。