Burgerman (欽州街) (已結業)

前兩日喺深水埗放咗工之後定肚餓， 於是諗住食啲嘢先再返屋企， 行過見到街邊呢度有間好細嘅 漢堡包小店， 見到都幾有心思於是試下。位置細細， 但係依然好有美式風情， 裝修硬朗 風格我叫咗一個和牛漢堡， 加少少錢就有個餐， 可以揀薯條或者薯格， 我見咁耐冇食過薯格就於是試下。先講過漢堡， 一攞上手個皮仲係好脆， 只係啱啱焗完， 個包熱辣辣， 一攞上手唔小心大力啲就跌咗好多汁出嚟， 個和牛漢堡啱啱熟， 啖啖肉啖啖汁， 連個菜都係好新鮮， 真係不得了 個薯格亦係啱啱炸起， 非常之脆， 調味日幾好， 份量仲要唔少， 幾抵食原本諗住叫個漢堡包唔會太飽， 但點知都幾大份， 嗰晚餐睇嚟可以慳返啦