爆丼屋 (已搬遷) 新店位置

今日同男朋友去咗旺角嘅爆丼屋度食午餐 餐廳經過裝修咗之後地方更加闊落 幾好坐喎 樓底好高空間感十足叫咗個招牌嘅三段重大極上丼 上枱真係十分驚訝同舖頭名一樣爆丼呀 最上係日本海膽 味道鮮甜入口甘香油潤 中間係勁多片嘅肥美大拖羅 肉質呈粉紅色極度新鮮 令人胃口大開 拖羅入面嘅脂肪分佈平均 入口即溶嘅感覺一啲筋都冇 下面就係松葉蟹肉 鮮味十足食得出好新鮮 最底就係滿滿嘅丼飯 已經叫咗少飯都食唔曬十分足料重量級燒牛扒丼 上面係滿滿嘅牛扒 生熟度燒得啱啱好 外面焦香入面仲係粉紅色 牛肉味濃郁 加埋特製嘅日式燒汁送飯一流金魚缸芒果沙冰 建議兩個人先好叫 因為真係極度大杯 上面係滿滿嘅芒果同忌廉十分香甜 芒果沙冰甜度啱啱好 好透心涼