深井陳記燒鵝海鮮酒家

營業中

休息中

啱啱考完試，梗係要同屋企人食餐好嘅慶祝吓！我哋今次就揀咗入深井食陳記燒鵝！陳記燒鵝食物價錢親民，而且份量勁多！我哋五個人最後食到超級飽！以下係我哋叫咗嘅嘢：海蜇燻蹄（例牌）：平時食中菜必食前菜之一！豉油王鵝腸：豉油王入味！陳記燒鵝（半隻）：入到嚟深井一定要食燒鵝！而呢度嘅燒鵝係勁大隻，而且係勁肥美！白灼游水海蝦：除咗燒鵝，呢度仲有海鮮！大魚大肉冇難度！豉椒炒花甲：花甲冇沙，豉椒惹味！蒜茸龍口粉絲蒸扇貝：蠔皇生菜扒靈菇：生炒臘味糯米飯：而家秋風起，梗係要食臘味！份量真係好多！要一班人share先食得晒！最後要讚一讚啲伙記，服務態度好好！