影片
更多
2023-08-29
21 瀏覽
呢間位於尖沙咀海運大廈地下商場入面嘅Ohayo by Ocio, 真係令人眼前一亮嘅靚靚日系Café, 聿門面到內裡都係用木系, 自然風為主, 近門口是水吧枱, 中庭設置有圓枱配植物盆裁, 藤墊, 整體都好有舒適氣氛, 加上無敵維港海景, 坐近落地大玻璃前發呆看書一流, 店內也有梳化卡座。晚市時段會提供十數款晚市套餐, 以符合香港人口味的西日餐點為主; 餐牌上有其他西日風為主的美食, 有漢堡, 意粉, 扒等都好吸引, café當然唔少得甜品; 全部用QR Code下單, 收取加一。 各式晚餐選擇, 均配有是日餐湯, 餐飲及可加配小食。我地叫咗兩款晚餐, 菠菜忌廉汁蟹肉燴飯伴燒八爪魚, 另一款係0hayo至尊焗龍蝦全日早餐。套餐有是日餐湯, 椰菜花忌廉湯; 賣相幾好, 湯嘅質感都算濃郁, 仲有淡淡嘅奶香味, 好暖胃, 面仲有幾片脆卜卜嘅杏仁片, 令人食得好舒服。兩個餐我地都叫了凍檸茶, 凍飲加$3。菠菜忌廉汁蟹肉燴飯伴燒八爪魚 - $168呢個飯份量都幾大份, 食完好飽肚, 煮得岩岩好, 軟糯, 好Creamy, 而且都幾多蟹肉, 仲有切片嘅燒八爪魚片, 燒八爪魚幾彈牙, 燴飯仲有菠
晚市時段會提供十數款晚市套餐, 以符合香港人口味的西日餐點為主; 餐牌上有其他西日風為主的美食, 有漢堡, 意粉, 扒等都好吸引, café當然唔少得甜品; 全部用QR Code下單, 收取加一。 各式晚餐選擇, 均配有是日餐湯, 餐飲及可加配小食。
我地叫咗兩款晚餐, 菠菜忌廉汁蟹肉燴飯伴燒八爪魚, 另一款係0hayo至尊焗龍蝦全日早餐。套餐有是日餐湯, 椰菜花忌廉湯; 賣相幾好, 湯嘅質感都算濃郁, 仲有淡淡嘅奶香味, 好暖胃, 面仲有幾片脆卜卜嘅杏仁片, 令人食得好舒服。兩個餐我地都叫了凍檸茶, 凍飲加$3。
菠菜忌廉汁蟹肉燴飯伴燒八爪魚 - $168
呢個飯份量都幾大份, 食完好飽肚, 煮得岩岩好, 軟糯, 好Creamy, 而且都幾多蟹肉, 仲有切片嘅燒八爪魚片, 燒八爪魚幾彈牙, 燴飯仲有菠菜, 翠肉瓜一齊燴, 口感豐富, 整過味道清清淡淡得嚟, 有啲海鮮嘅味道。
0hayo至尊焗龍蝦全日早餐 -＄228
雖然係晚餐, 但話明ALL Day Breakfast, 都唔會理係早定夜啦! 呢份全日早餐味道層次, 口感豐富, 因為有好多唔同嘅嘢食, 望到眼球已經好開心; 有煙肉, 芝士腸, 芝士焗龍蝦半隻, 焗豆, 沙律菜, 甜粟米粒, 迷你小牛角酥, 炒滑蛋, 薯條, 風乾火腿, 扒番茄; 上枱已經比半隻烤焗龍蝦吸引住啦, 大大隻好有誠意, 龍蝦好新鮮, 用芝士焗得啱啱好, 而且仲好多龍蝦膏。迷你小牛角包就好細心咁配埋個蜜糖比你。大滿足呀!
綠茶大福雪山熱香餅 - $98
甜點即點即製, 要預時間下單。 一碟兩層嘅熱香餅, 上層舖了一片滿滿綠茶嘅麻糬也相當黏糯, 熱香餅質感比梳乎厘更結實, 唔似其他pancake店個啲太空氣感, 食完好似冇食, 呢個有口感, 好滿足啊! 而且熱哄哄仲配上雪糕球, 一冷一熱, 層次更豐富。
張貼
