Ssoja Toast & Hotdog (逸東酒店) (已結業)

成日聽人講韓國既toast店好正，可惜一直都無機會去韓國，今次聽倒呢間韓國過江龍開左黎香港，即刻去試下😍餐廳位於佐敦逸東酒店內地庫一樓既FoodHall，一落樓就見倒，透明玻璃可以睇住整多士既過程，好治癒架！主打多士同熱狗，多士接近有十款咁多🤩平日黎仲有combo好抵！韓式漢堡扒拉絲多士🥰睇相都見倒層芝士係幾咁厚！多士烘過再加上牛油，好香脆。咬落啖啖芝士，再配埋漢堡扒、椰菜絲，燒汁同韓式醬汁，絕配！漢堡扒好juicy，而且好大塊，每啖都會食到🤤香蕉芒果雪酪，一飲落去香蕉味好濃，再飲多兩啖都飲到芒果既微酸味，好清新！夏天飲岩哂！食完多士加埋杯奶昔飽肚感十足😋