玖五牛肉麵 (已結業)

得知超蓮喺銅鑼灣開左呢間牛肉麵，味道配方都參考台灣做法，做到盡善盡美!叫左招牌紅燒牛肉麵$78-牛肉都幾林同入味，湯底牛肉味香濃，但食食下慢慢會覺得咸左d。麵質有台灣風味，有咬口睇得出用心特製個湯底。另外，仲叫左小食甜不辣$24-幾抵食，又整得幾好味，好似彈牙既魚片咁，配個醬汁吊返d味，幾有水準。紅燒牛筋冬粉$88-冬粉即是粉絲，粉絲索哂d牛肉湯，更加入味。牛筋份量多，夠林，味道唔錯。我鐘意食冬粉多d。價錢可接受，可以一試。