五福園

營業中

休息中

好耐之前食過扁肉，一試難忘，一路都想再去食，最近深水埗開左呢間福建菜即刻仆去同朋友試，餐廳環境不錯，而且店員係落單會介紹下佢地既主打菜，叉燒腸唔同茶樓個啲厚皮，呢隻係薄皮，超級滑好中意！！而且豉油不咸且鮮，聽完職員推介我揀左牛腩罐罐面，試新嘢，湯底味道濃郁，由好多唔同藥材煲埋，包括杞子，冬菇，蟲草花，紅棗等，非常養身，唔怕飲埋個湯，牛腩吸收曬湯底味道，朋友叫左最出名既扁肉麵，另外我地都加左細古法扁肉，先飲湯，清甜又帶點麻香味，扁肉用新鮮豬肉整吸收埋湯，再配埋香葱，好好味呀！食咁多野埋單都係122，超親民，一定推介，支持小店！