富士之幸日本料理 (已結業)

這個芝士都係第一次食，好香、好軟滑嘅，好似羊奶芝士咁，芝士唔鹹，味道剛好，再配埋旁邊用咗酒醃製嘅醬一齊食（我估係所謂嘅酒盜），起咗好大嘅化學作用，味道好特別，鹹鹹地，又有點酒味，加埋芝士，確係一流嘅下酒物！ 這個三文魚腩屬一般，唔夠肥美，魚味亦唔夠！但好鍾意佢嘅wasabi，應該係生磨嘅，好香、但又不會刺鼻同搶喉。這個以店名命名嘅壽司，果然用料豐富。眼見有一丁點海膽、蟹籽，內裡還藏著香滑嘅吞拿魚腩，可惜海膽太細，食唔到有咩味！這個腸非常香，外皮香脆，肉味濃郁，又一下酒物。好耐之前曾在某日本餐廳食過好好味嘅茶漬飯，至今依然回味，可惜，到現在仍未揾得番那味道。這個也不例外，不是我想要嘅味道，只是一個飯配上清湯，好一般！這個始終是主角，一定要encore，香滑嘅吞拿魚腩蓉加上蛋再配埋蔥一起撈埋食，真係好正，百吃不厭！而且蔥我相信係嚟日本，因本地蔥嘅青味我係唔食嘅，所以好抵讚！