越華會海鮮館 (已結業)

朋友生日今次揀食中餐，生日主角一直聽聞越華會唔易book但又想試，於是今次預早兩星期訂枱，得咗👌🏻到埗唔使再等就有枱，坐低即睇有咩食，睇完餐牌平時話怕肥唔食咁多嘅女士們，今日好似冇曬減肥大計，見野就想食😂最後五人點咗以下菜式：話梅車喱茄、例湯 - 牛蒡花旗參煲豬𦟌、咕嚕肉、脆皮豆腐、豉椒炒蜆、愛心咸蛋蒸肉餅、炒西洋菜、炒什菜，都唔算好多😅味道方面，總的來說，味唔太濃，冇話食完口乾。推介：愛心咸蛋蒸肉餅，有創意將肉餅整成心型，加上兩個咸蛋黃做眼，巧得意，咬落有啖啖肉汁，餸飯一流👍🏻價錢：每人平均$150，算抵而主角同其他朋友食完之後都表示滿意😄