聯記川王涼粉 (已搬遷) 新店位置

本身無辣不歡，成日都好想試聯記，之前某個星期六，同男朋友食完三河屋，順路過埋嚟，佢同隔離間時新都排長龍圍滿人。不過估唔到佢0既設有座位，原來係係鋪位前放一兩張枱，有D人仲用發泡膠箱當枱係度食，環境認真麻麻，而且極之唔環保，全部都係發泡膠兜&盒，係度食都係，雖然唔夠人手，但咁樣真係唔好囉。不過唔緊要，最緊要D嘢好食，難得嚟到，兩個人買咗四樣嘢(全部小辣)︰口水雞($40) - 個汁好正，唔會淨係得個麻辣，仲有香味，好鍾意個汁，雞份量都OK，但骨比較多囉酸辣粉($16) - ，本身唔係好好酸味0既粉，不過見個個推介就試吓。返到屋企D粉已經吸晒D湯，搞到D粉仲辣咗，濃濃的酸辣味，好味，正~蒜泥白肉($40) - 只有五塊，但塊塊都好大，而且入口唔覺得肥，蒜泥汁好味得嚟唔太辣，正~雞絲川北涼粉($18) - 未食過川北涼粉想試下，個汁得個辣字，好少雞絲，而且唔太鍾意川北涼粉個質感，爽爽的...見佢個廚房得兩個伙記做嘢，而且好多單做到冇停手，仲驚會唔會四個辣汁都一樣味，點知又唔會，隻隻唔同得嚟仲好好味，不過小辣都好辣，男朋友唔食得辣就陪我癲，食到身水身汗，但佢都覺得好好味，好想再食呀