夢の丼 (已結業)

土瓜灣呢個小區入面有唔少隱世餐廳，呢日放工之後就同屋企人搵左間日本餐廳食dinner。呢間餐廳既環境唔錯。呢到主打係魚生丼飯，打開餐牌，見到有好多勁吸引既丼飯。落左單之後，侍應就送上左麵豉湯。我地點左好多野食啊，首先點左兩款刺身，分別係深海池魚同埋薄切真鯛，好新鮮。小食方面，點左慢煮鮑魚配肝醬，鮑魚口感結實，唔錯。仲有呢個磯燒北海道珍寶帆立貝，大大隻，燒得好香，勁惹味。另外仲點左左口魚邊壽司，左口魚邊入口即溶，好好味。點少得重頭戲丼飯呢，我地點左兩個丼飯。首先係呢個signature 既夢之丼，入面有勁多料，包括係三文魚蓉、三文魚子、帆立貝、海膽、牡丹蝦、松葉蟹同埋左口魚邊，勁豐富。另一個丼飯就係呢個花錦魚生丼，有勁多我至愛既三文魚。