牛川日本和牛專門店 (已結業)

好耐冇食過放題 今次同屋企人一於去間勁嘅擦餐飽🤤到底呢間有幾勁？勁在一入去櫈都未坐暖 啲嘢食已經放滿大半張枱！📍尊貴日本和牛放題（成人$458 / 小童$258；任食120分鐘）🔸附送🔸海鮮拼盤和牛美人玉子（頭盤）和牛沙津（頭盤）日本A5和牛拼盤贈送食物當中最引人矚目嘅就係用層架將牛肉整齊排列嘅和牛拼盤😍每款和牛上都有名牌標示牛肉嘅部位試完之後就知道邊款最啱自己口味😋食完頭盤 係時候進入正餐環節💪🏻呢度有多款和牛燒肉🥩可供選擇包括 A5熊本黑毛和牛牛肩胛、牛頸脊、肩梅花、千本筋（期間限定）牛匠岩手黑毛和牛牛小排、後腰肉仲有飛驒牛刺身、安格斯牛頸脊、牛肋肉、牛板梅花等除咗肉類 呢度嘅炸物、壽司同小食都相當吸引黑松露玻璃蝦壽司、火炙三文魚壽司🍣炸三文魚骨、炸雙皮奶、吉列廣島蠔、蟹肉湯、吞拿魚蓉脆脆、熊本黑毛和牛漢堡等都係高質之選🤤甜品仲有大阪雪糕 食完飽到行唔郁啊！