影片
更多
2020-05-23
1672 瀏覽
自己本第好中意食西餐，上個月系疫症最嚴重嘅時期，吾好話西餐，連其他菜式都少食咗好多😓去到呢家5月尾疫症嘅情況終於叫做好番好多，不過大家都要注意同埋時刻警惕⚠️之前同男朋友去過旺角銀城廣場嘅「日本野」，比我嘅印象都幾深刻，因為記得嗰度有款好好食嘅菜式不過之前已經打咗戈間餐廳嘅食評，今次就打佢隔離戈間餐廳嘅食評。個名都幾得意，叫「Mini Friday」裏面嘅環境非常有情調，一班朋友或者情侶黎都係一個唔錯嘅選擇。晚餐嘅價錢係百零至二百蚊，喺西餐黎講應該系正常至小小貴戈個範圍入面，同埋以肉類為主，對於食肉獸黎講會系恩典。最特別嘅一樣系，原本呢度有樣野叫「DIY PASTA」，首先可以選擇醬汁，然後系自選粉，跟住系配料，真系冇喺其他餐廳見過有呢樣野，系特別嘅大家黎到真系可以試試。良心食店，就當然有啲特別顯示到有良心嘅食物，呢度有呢份「時代抗翼」，真系夠曬突圍而出😂大家睇到啲名都會明曬系點嘅一回事～味道方面，就分別系柚子、鹹蛋黃、辛辣同埋胡椒。首先叫咗個是日餐湯，我哋事先吾知個湯系咩湯，嚟到先知係雜菜湯。呢款湯比較特別嘅係，佢唔似平時啲雜菜湯咁剩係得蔬菜，裏面仲會有啲青豆，食落去發覺都幾啱小朋友食
之前同男朋友去過旺角銀城廣場嘅「日本野」，比我嘅印象都幾深刻，因為記得嗰度有款好好食嘅菜式不過之前已經打咗戈間餐廳嘅食評，今次就打佢隔離戈間餐廳嘅食評。個名都幾得意，叫「Mini Friday」
裏面嘅環境非常有情調，一班朋友或者情侶黎都係一個唔錯嘅選擇。
晚餐嘅價錢係百零至二百蚊，喺西餐黎講應該系正常至小小貴戈個範圍入面，同埋以肉類為主，對於食肉獸黎講會系恩典。
最特別嘅一樣系，原本呢度有樣野叫「DIY PASTA」，首先可以選擇醬汁，然後系自選粉，跟住系配料，真系冇喺其他餐廳見過有呢樣野，系特別嘅大家黎到真系可以試試。
良心食店，就當然有啲特別顯示到有良心嘅食物，呢度有呢份「時代抗翼」，真系夠曬突圍而出😂大家睇到啲名都會明曬系點嘅一回事～味道方面，就分別系柚子、鹹蛋黃、辛辣同埋胡椒。
首先叫咗個是日餐湯，我哋事先吾知個湯系咩湯，嚟到先知係雜菜湯。呢款湯比較特別嘅係，佢唔似平時啲雜菜湯咁剩係得蔬菜，裏面仲會有啲青豆，食落去發覺都幾啱小朋友食😌好味又健康。
是日餐湯
$38
45 瀏覽
0 讚好
0 留言
黎之前已經有一份墨西哥脆片，同樣地好少地方可以食到呢道菜式，試吓呢度嘅味點樣先。墨西哥脆片的確幾脆不過真係點都估唔到食落去陣味原來好似油炸鬼。
墨西哥脆片
28 瀏覽
0 讚好
0 留言
然後叫咗款維尼雞翼，即系柚子雞翼，之前喺其他西餐廳都食過柚子雞翼，感覺都吾錯，所以喺呢度都決定重拾戈款味道。柚子雞翼面頭已經有好多柚子皮，都幾正宗呀~然後仲有好多柚子汁呢，食落清甜美味，感覺好清新，味道其實吾會太甜。
維尼雞翼
$58
23 瀏覽
0 讚好
0 留言
跟住終於到重頭戲，香草牛油焗田螺酥盒，我一向都中意食海鮮，呢款菜式對我黎講完全系恩物首先酥盒入面系有田螺同埋薯蓉，田螺好新鮮，口感啱啱好，加埋薯蓉完全系絕配！大概兩個月前喺一間西餐廳食過酥盒，都算好食，不過呢間嘅味系更鬆化，而且吾會過份油膩。
香草牛油焗田螺酥盒
$88
23 瀏覽
0 讚好
0 留言
逢親有機會去西班牙餐廳，我都會叫西班牙海鮮飯，喺呢度竟然都有依款菜式真不錯啊。海鮮種類有魷魚、蜆肉、大蝦等等，種類繁多。海鮮喺呢度黎講比較乾身，吾夠濕潤，蝦肉會比較好食。唯一值得一讚嘅系飯嘅份量真系好多，我諗4個人食都可以😂
西班牙海鮮飯
$298
33 瀏覽
0 讚好
0 留言
最後就緊系食番個甜品做個美麗嘅句號，即製梳乎厘配雪糕，梳乎厘等嘅時間比較耐，要20分鐘左右。發現依家時下嘅梳乎厘班戟店都會整出空氣感嘅梳乎厘班戟，呢度嘅都吾例外，梳乎厘班戟口感比較鬆軟，我個人其實鍾意口感結實啲嘅，不過佢都整得幾好食嘅，蛋味都香濃。
即製梳乎厘班戟配雪糕
$108
25 瀏覽
0 讚好
0 留言
張貼
