活

營業中

休息中

4人dinner set 包括有前菜，沙律，餐湯，小食拼盤，3個主食，甜品同4杯飲品！真係超多嘢食🤓沙律係巴馬火腿芝士沙律🥗係一個清新開胃嘅沙律，而湯係南瓜忌廉湯都好creamy！小食拼盤都有4種小食係炸物為主都係熱辣辣同好脆！主食意粉叫咗蒜蓉忌廉雜菌慢煮雞胸意粉，雞胸完全唔老真係慢煮🤪而蒜味都好香但唔會遮住咗忌廉汁嘅味。另一個飲就叫咗炸軟殼蟹龍蝦汁意大利飯，軟殼蟹應該係即叫即炸所以超脆同熱🫶🏻龍蝦汁唔算好濃味但好掛汁！最後一個主食係慢煮西班牙黑毛豬，黑醋汁配薯蓉，黑毛豬整得唔老而且係偏淋身豬味會好重。甜品就揀咗雙重朱古力雪糕窩夫🧇朱古力嘅份量都好多，朱古力控表示超級滿足🍫飲品就冇另外加錢而係跟餐要咗西柚果茶，酸酸甜甜。