爆丼屋 (已搬遷) 新店位置

係megabox行街經過呢間爆丼屋, 之前試過旺角分店, 九龍灣呢間分店就大間啲闊落啲, 樓底又高, 坐得幾舒服😄 叫左兩個丼飯, 兩個都有驚喜! 四重火山盛丼($298)有韓國海膽, 吞拿魚蓉, 松葉蟹肉同三文魚子, 超豐盛😍 樣樣都好新鮮, 份量又多, 超滿足😋 鵝肝海鮮盛 ($278)呢款主要係用上燒帆立貝, 鵝肝, 少量魚子醬, 海膽同三文魚子鵝肝超有驚喜!! 油脂味超香, 送飯食一流! 帆立貝都好新鮮😋😋 另外叫多左兩件日之雪花生蠔($78), 略嫌醬汁太濃味, 掩蓋左蠔本身嘅鮮味, 但都食得出係新鮮好味😄