影片
更多
2022-01-07
1157 瀏覽
最近愛上左食omakase ，呢間位於尖沙咀加拿芬道嘅「鮨鳶」，推出咗有25品嘅OMAKASE ，$1260/位，包含咗多款前菜、多款刺身、餐前酒、精選壽司八件、季節之品、燒物、煮物、蒸蛋、湯同埋甜品。一共25款嘅日式料理，真係應有盡有啊～非常之豐富！水母刺身、水雲、日式東風螺第一道上嘅菜式非常之開胃，水務母刺身其實即係類似海蜇頭嘅口感，入口爽脆。水雲酸酸地入口滑溜～鱈魚白子白子質感軟滑唔會腥。配搭酸汁、紅心蘿蔔蓉同埋蔥花做調味。兵庫縣室津蠔室津蠔大大隻相當有份量，上面有沖繩海葡萄🍇肥美鮮甜。餐前梅酒食完四款前菜，就嚟一杯梅酒，酒味唔會好濃烈，清香嘅梅味，甜甜地好啱女仔飲。慢煮八爪魚🐙八爪魚都幾大件，配搭柚子胡椒做調味，口感會比平時食嘅淋。活北寄貝刺身呢道菜式好似睇表演咁呀，師傅會喺醬油上邊整一個波波，我就可以用鮮甜嘅北寄貝刺身篤爆個波波點醬油～好有趣！鮫鰈魚剌身+ 燒鮫蝶魚邊鮫鰈魚刺身薄片配搭酸薄啫喱、蔥花，捲埋食，又酸又清爽，好開胃！燒鮫蝶魚邊油分重 ，下面有青檸調味，好美味呀～伊佐木伊佐木魚有淥過，皮嘅部份會煙煙韌韌，口感好特別，上面仲有薑同埋蔥做調味。慢煮36小時鮑魚 質感軟硬
水母刺身、水雲、日式東風螺
第一道上嘅菜式非常之開胃，水務母刺身其實即係類似海蜇頭嘅口感，入口爽脆。水雲酸酸地入口滑溜～
鱈魚白子
白子質感軟滑唔會腥。配搭酸汁、紅心蘿蔔蓉同埋蔥花做調味。
兵庫縣室津蠔
室津蠔大大隻相當有份量，上面有沖繩海葡萄🍇肥美鮮甜。
餐前梅酒
食完四款前菜，就嚟一杯梅酒，酒味唔會好濃烈，清香嘅梅味，甜甜地好啱女仔飲。
慢煮八爪魚🐙
八爪魚都幾大件，配搭柚子胡椒做調味，口感會比平時食嘅淋。
活北寄貝刺身
呢道菜式好似睇表演咁呀，師傅會喺醬油上邊整一個波波，我就可以用鮮甜嘅北寄貝刺身篤爆個波波點醬油～好有趣！
鮫鰈魚剌身+ 燒鮫蝶魚邊
鮫鰈魚刺身薄片配搭酸薄啫喱、蔥花，捲埋食，又酸又清爽，好開胃！燒鮫蝶魚邊油分重 ，下面有青檸調味，好美味呀～
伊佐木
伊佐木魚有淥過，皮嘅部份會煙煙韌韌，口感好特別，上面仲有薑同埋蔥做調味。
慢煮36小時鮑魚
質感軟硬適中而且好入味，上面嘅啫喱就係鮑魚汁，仲加咗菊花一齊食。
無花果天婦羅加岩鹽
無花果天婦羅真係第一次食，啱啱炸起好熱，又咸又甜口味好特別。
鱈場蟹肉+海膽+三文魚籽
我的最愛❤️三款撈埋一齊食，口味豐富有層次！
燒鰹魚
鰹魚燒左個面，帶有一點焦香。上面係紫菜甜煮醬+七色芝麻，紅色係山桃（類似楊梅嘅味道）。
三色漬物
海鮮茶碗蒸
入邊好多唔同款式嘅海鮮，雞蛋都好滑溜。
炸池魚仔-香脆可口
✨壽司八件✨款式主要來講都係魚
🔸鹿兒島深海池魚（配青擰汁）
🔸金目鯛 （配柚子皮）
🔸梭子魚壽司
🔸牡丹蝦壽司-上面有火炙牡丹蝦頭的蝦膏，香味濃郁！
🔸銀鱈魚壽司（配烏魚子粉）
🔸池魚壽司（配黑松露）
🔸拖羅壽司（配淡雪鹽）
🔸海膽壽司
✨熟食✨燒春魚
✨湯✨舞茸菇蜆湯
甜品🍮
抹茶奶凍加黑豆
飯後甜品係抹茶奶凍，香滑得嚟抹茶味濃郁，又唔會太甜～
呢個OMAKASE 總共食咗兩個小時，食物款式多樣同埋職員服務好好，熱情主動～整體來講都相當之唔錯！
張貼
