為食坊

營業中

休息中

滷水雞髀飯嘅味道真係一試難忘呀！滷水汁非常入味，除咗滷水鹹甜味平衡得好好之外，仲有種微微嘅焦糖香味，可能廚師係落左片糖。而且除咗滷水汁嘅味道，仲有其他香料例如花椒八角等等嘅香味出咗黎，真係好唔錯。至於肉質方面，可能係新鮮即做，所以雞髀個肉質係十分之嫩滑，簡直係剛剛好熟。$25可以買到一盒超大隻嘅滷水雞髀飯，真係勁超值。同埋佢哋原來每日個餐單都唔同，可以有排試。不過建議都係透過佢哋嘅WhatsApp預訂咗先，因為我見佢有部份餐未到1:30已經賣晒。