鮮蒲 (已結業)

放工有時諗唔到食咩，就會揸住架車四圍去，間中也會有驚喜。去到崇潔街，見到呢間小店，估唔到係食乜嘢，以為係Cafe。原來係食川菜，仲係好地道果隻，有唔少未見過的是菜式。小店的佈置睇得出老闆娘有心思。先來木耳做涼菜，冰涼爽口好開胃，但就後勁凌厲，辣度十足。至於口水雞翼睇落去好辣，但其實有少少甜甜地都幾易入口。老公點左個津市牛肉粉，賣相都唔錯，偷食咗一舊牛腩，牛肉味幾濃。我就試咗招牌的貝殼粉絲，用錫紙焗住，賣相好得意。攤開就會見到不同的食材，熱辣辣。最好食係個粉絲底，吸收晒所有海鮮同蔬菜的精華。有時候，漫無目的，亦有驚喜。