新記煲仔雞粥 (已結業)

今日嚟到元朗當然要試吓呢度馳名嘅新記雞粥，雖然市區都有開分店，但係正宗嘅當然要嚟感受下！雖然只係黎食早餐，但已經叫到一枱都係！貴妃雞粥，一碗有好多件雞，雞肉嫩滑，一啲都唔鞋口，而且粥底有淡淡的雞油香，果然名不虛傳！馳名海鮮粥，另一款餐廳推介，海鮮粥有好多海鮮，帶子、蟹呢啲唔少得，海鮮鮮甜，蟹膏唔少。紅燒脆皮乳鴿，即叫即炸熱辣辣，皮薄肉嫩。XO醬炒蘿蔔糕，好惹味，如果蘿蔔糕稍為脆皮少少，口感會更好！