影片
更多
2009-10-13
164 瀏覽
又係一年一度嘅中秋團圓去邊度食飯嘅煩惱時候，好釆有朋友介紹，話中環九如坊最近開咗間比較特別嘅中餐廳，好值得去試吓，因為這個朋友好識食，他介紹得應該信得過，問他貴唔貴，他只說「價錢好合理」，他這個「好合理」真係可圈可點。之後上openrice睇吓，可能因為新開，只有三個食評，有二個好，一個唔好，習慣睇咗唔好嘅食評先，睇完後覺得他比較不滿意的地方是服務和貴（overpriced), 另外二個好評就比較多講食物質素，有一個食評仲係勁讚!! 想了一吓，出街和家人食飯食物質素好重要，而且我朋友說「價錢好合理」，我當然信我朋友啦，於是決定，就去這間!!朋友還提醒, 如果想食魚，最好早一日打電話去預定，於是早一日打電話去問，原來他們每朝早都會去魚市場，按照當日客人需要而買最新鮮的海魚, 所以須要預定。他們還問我當日預算每人幾多錢，他們可以按照我的預算而設計當日餸菜，因為電話中人的說話好似好信得過，所以決定交給他們，在唔知食什麼之下期待着＂食好嘢＂！終於去到當日，懷着期望的心情(不過都驚期望愈大，失望愈大！！), 一家人一行八人去到等食, 首先來個＂子薑糖心皮蛋＂作前菜, 樣子普通，子薑沒有染紅, 不
朋友還提醒, 如果想食魚，最好早一日打電話去預定，於是早一日打電話去問，原來他們每朝早都會去魚市場，按照當日客人需要而買最新鮮的海魚, 所以須要預定。他們還問我當日預算每人幾多錢，他們可以按照我的預算而設計當日餸菜，因為電話中人的說話好似好信得過，所以決定交給他們，在唔知食什麼之下期待着＂食好嘢＂！
終於去到當日，懷着期望的心情(不過都驚期望愈大，失望愈大！！), 一家人一行八人去到等食, 首先來個＂子薑糖心皮蛋＂作前菜, 樣子普通，子薑沒有染紅, 不過一食就在心中「嘩」了一聲，原來簡簡單單的＂子薑皮蛋＂，都可以咁好食。子薑真係一啲渣都無, 糖心皮蛋也名符其實，糖心之餘也有那濃郁的皮蛋特別味道，喜歡吃子薑或皮蛋的人一定不能錯過。
跟着的是＂酥炸獅頭魚＂， 條魚炸得好酥好脆, 再配以他們的特製陳醋, 真係一絕!
再來一個(應該說是八小個）＂咸魚煎肉餅＂和 ＂龍井菊花燻乳鴿＂，肉餅外面煎至金黃色，外面鬆脆，內裏肉質鮮嫩有肉味，非常好食。燻乳鴿有濃郁煙燻味, 非常特別的味道, ，真係食煙燻鴿有煙燻味！
伙記跟着放下了一個大碟，大家見到時不禁真係從口中「嘩」了一聲，然後說：「好大隻聖子呀！」聖子是我少數經常會叫的海鮮之一，而這次食到的聖子，可說是我食過最大隻的，而且爽口中帶出鮮味，不過豉汁醬似乎太濃味，若果淡少許應該可以帶出更多鮮味！
跟着的＂雞油花雕蟹＂是今晚的主菜之一, 可以說＂極之好食＂，大大隻花蟹肉質鮮甜而有蟹味，雞油花雕汁則非常惹味，兩者極之配合，跟着伙記還拿來一碟已蒸好的陳村粉給我們撈汁食，不但不會浪費了那麼好味的雞油花雕蟹汁，用陳村粉又是另一個絕配，真係不得不佩服他們的心思和用心對待食物的態度！
再來就是今日特別預定的＂清蒸海斑＂，條海班好靚，應該係精選上等靚斑 , 也蒸得剛剛好，嫰滑鮮甜，不知他們用什麼豉油, 完全帶出條海斑嘅鮮味而不會過甜，連一位不大食魚嘅小朋友也不停的要食，可想而知條魚真係好好食，呢碟＂清蒸海斑＂真係要畀一百分。
＂十八味雞＂初食時覺得和豉油雞沒大分別，只是雞較嫩滑，較有雞味，不過食多一兩件後才開始有變化，會有些不同的味道走出來，唔知有無人真係可以食出十八種味數出來呢？
食到現在，大家都有7、8成飽了，大家的食速也開始放慢了，見到這碟＂黑椒陳醋煎美國牛柳粒＂和 ＂冬菇羊肚菌炆腐皮＂時，我還怕大家會食剩浪費，點知一樣碟碟掃清，可能因為太好食，牛柳粒肉厚鬆化而肉汁鎖在肉中，羊肚菌則有濃郁的獨一無二菌味，而且把腐皮卷至一舊舊，初時唔知還以爲是豆腐，咬完才知原來就是腐皮，腐皮柔軟而有豆味，卷至豆腐狀就增加了口感，都係呢句，好食。
還有不得不提的是他們的粥和飯，粥好棉，飯好香，必食！
來到最後尾聲，＂杏仁茶＂ 加＂杞子雪糕＂或＂薑雪糕＂，＂杏仁茶＂好有杏仁味，好滑，＂杞子雪糕＂和＂薑雪糕＂亦都好滑好好"奶"，好特別，而且味道好，不是只為了特別而特別！
非常滿足和美味的一餐，大家都食得好開心，我朋友真係無介紹錯，好食之餘價錢也合理，不過其實都唔止合理，以這種食物質素，都應該算超值了。
張貼
