顯徑車仔麵 (已結業)

餐牌上有成50幾款餸令我選擇困難症又發作！最後揀左店長推介的滷水雞翼、豬腸、魚肉春卷和菜心，配米線和雲南酸辣湯底。湯底不像一般的用酸菜，而係用辣椒絲、胡椒粒秘製的酸辣湯，好開胃。滷水雞翼大大隻，滷水好入味，豬腸一D都唔腥，仲好肥美，爽口。魚肉春卷都好香腐皮，菜芯大大條又新鮮又甜。成碗的餸都係店長推介的餸，有沙嗲豬紅、牛腩、手工韭菜餃油麵配豬骨湯底。最正係沙嗲豬號，夠晒入味，軟硬度適中！手工韭菜餃大粒多料，調味好好！牛腩好冧身，索晒啲腩汁！正！叫三餸麵，就會送豆漿，有凍同熱選擇！店長服務細心，每碗都會整齊擺放餸菜，又食得又睇得，係有心嘅小店！下次要再嚟幫襯食小食！