韓家莊韓式燒烤 (已結業)

相約老友齊韓燒，唔想同人迫，過左佐敦食韓燒。離地鐵站2-3分鐘路程。韓家莊韓式燒烤佐敦薈5樓全層都係佢，一大班人食唔怕無位。樓底高之餘，仲要全場都係卡位添。訂左6:30，好快就入座。好長嘅野食bar呀。排列井然乾淨、整齊，由前菜、熟食、bbq 肉料、海鮮類到sushi bar、甜品、飲品，順序放置超過60款美食。包羅萬有，慢慢bbq。韓式辣蘿蔔、韓式辣泡菜，都是前菜要吃的。另外青口、三文魚都很新鮮。肉類如一口牛粒、牛仔骨、肥牛、金菇肥牛、雞翼每樣都一件一件逐件即燒即食。間唔時食碗豆腐花糖水回回氣再燒過。每當鐵板燒焦，店員都很迅速更換新的鐵板，非常有效率。晚市每人$188，價錢亦合理。